الشاعر نعيم الزوى

للشاعر نعيم الزوي

وداعا باااااااي
وكمل طريقك يا عزيز بلاي
كان الوداع اتريد
وداعااااا عدى
كان خاطرك ترحل بعيد اتعدي
لا نجبرك عن شى وانت ضدي
ولا نقولك ابقى اليوم امعاي
من يوم يومى كل شى فى يدي
طاير او رايح ما يريد هواي
ياعين لا تبكى ولا تجدي
اللى بدلك ايعوضه مولاي
ودااااع او صار
ورحلة طويلة انتهت بامرار
حاولت نذكر معاه شن صار
بلكى امقصر وين كان احذاي
وحاولت نبحث ما لقيت اعذار
مظلوم يمكن وعندا الحق امعاي
وحاولت نحكيلا جميع اسرار
لكن الباين ما يريد غلاي
ودااااع او تم
وماعاد يجمعنى معاه ملم
الوقت والدنيا اهموم او هم
والبخت عندى كيف كل اعداي
والفرح غايب فى بداله الغم
عايش معايا فى الزمان احذاي
لوطاح ساسى فى الوطا انهدم
ماهى غريبه ديما اتصير امعاي
وداعااااا باااااااااي