ضيفتكم المميزة على كرسي الاعتراف اختكم .. عيون ليبيا

اختي عيون ليبيا مرحبا بيك في كرسي الاعتراف

زي منتي شايفة القعدة مريحة جدا

يعني مافيش داعي للارتباك ابدا

خودي راحتك على الاخر وتفضلي جاوب على اسئلة الاعضاء

وطبعا يحق لجميع الاعضاء طرح الاسئلة اللتي يختارونها على حظرتك

ويحق لك الاجابة على ماتحبيه منها

وعاد اكيد اني اللي بنبدا باول دفعة من الاسئلة

وهيا عبارة عن بطاقة الهوية لشخصك الكريم

Mad

البطاقة الشخصية

1- الأسم

2- العمر

3- الجنسية

4- مكان السكن

5- الحالة الاجتماعية

6- كم عدد الاولاد إذا كنت متجوزة

7- الوضيفة

8- الطول + العرض

9- الوزن

10- موديل السيارة

11- نوع الموبايل

12- الهوايات

13- اللون المفضل

14- عدد الاصدقاء

king

نستنو منك الاجابات بكل صراحة

هكى درتيها فيا باهى lol!

1- الأسم
عيون ليبيا
2- العمر
22سنه
3- الجنسية
ليبيه
4- مكان السكن
سوق الجمعه
5- الحالة الاجتماعية
متزوجه
6- كم عدد الاولاد إذا كنت متجوزة
قاعد مصخرش ربى
7- الوضيفة
ربه بيت
8- الطول + العرض
ولله شنو بنقولك من فتره قسة الطوول طلع 175العرض لا ادرى
9- الوزن
75
10- موديل السيارة
طبعا منسوقش بس ممكن نعطيك سيارة راجلى مكسيمه
11- نوع الموبايل
N95

12- الهوايات
النت لدرجه ندلع فيه ونقوله نتنوت والطبخ
13- اللون المفضل
القهوى اكثر شئ والاسود
14- عدد الاصدقاء
مشاء الله انى اجتماعيه هلبه والله مانقدر نعدهم المهم هلبهوكلهم اصدقائى
انشاء الله نكون وصلت لكى بطاقتى يا غدورة
rendeer

اكيد وصلت احلى بطاقة لاحلى عيون

وربي يرزقك بالذرية الصالحة عزيزتى

وعاد ردي بالك تتحركي من علي الكرسي قبل ماتسمعي اسئلة باقي الاعضاء

وعلي فكرة والله اني بديت نكتب في موضوعك متاع كرسي الاعتراف قبل مانشوف ردك على كرسي زواري صح

صحيتي يالغالية على اجاباتك الواضحة

ويتشرف المنتدى بانه يضم عضو مميز زي حضرتك

تحياتي لشخصك الكريم

ضيفتكم المميزة على كرسي الاعتراف اختكم .. عيون ليبيا Xf741892

ما شاء الله اختي عيون ليبيا

وردة تفوح في سماء منتدي العيون

اجابتك اكتير حلوة

واضح عاليكي خفة الدم

يا رب يرزقك بالذرية الصالحة

ان شاء الله

اسالتي خفيفة

1-ما هو اكثر شيئ تحبي في زوجك

2-ما هو اكثر منتدي تحبيه في عيون ليبيا

3-ما اكثر موضوع عجبك في المنتدي

4-نصيحة لاخوانك بالمنتدي

5-ما الشيئ الذي تتمني الا يوجد بالمنتدي

وكفاية كدة يا عيون المنتدي

عشان اترك للاعضاءباقي الاسئلة

1-ما هو اكثر شيئ تحبي في زوجك
عيونه وانه ميعرفش يكدب وانه طيب هلبه هلبه

2-ما هو اكثر منتدي تحبيه في عيون ليبيا

والله انى ماعنديش فرق هدا المنتدى منتدانا زى مانقولوا البيت بيتنا

3-ما اكثر موضوع عجبك في المنتدي
كل الموضيع الاخوه الاعضاء ماقصروش مشاء الله عليهم

4-نصيحة لاخوانك بالمنتدي
اقم صلاتك والنت ملحوق عليه

5-ما الشيئ الذي تتمني الا يوجد بالمنتدي

هو والحمد لله كل شئ مئه مئه حتى هى غدورة تعبت حتى اديرنا منتدى راقى
اتمناء يكون من احلى المنتديات الليبيه والعالميهوربى يوفقنا والهمه بيش نزيدو من روقى المنتدى
خى الحسن اتمناء ان اكون جوبت على جميع اسئلتك وبارك الله فيك
rendeer

مشكورة حبيبتي عيون والله اقصرتي

بس اكيد مازال فيه اعضاء يحبوا يتعرفو عليك ويوجهولك الاسئلة

عشان هكي مزال الاستجواب ماخلصش

geek

ولا يهمك احنى فى الخدمه بس ميطولوش عليا عاد

**و أخيرا طحتي في الحفرة اللي حفرتها ضيفتكم المميزة على كرسي الاعتراف اختكم .. عيون ليبيا 4

انى عندى سوال شن رايك فى زوارى صح

من هم احسن ثلاثة اعضاء في المنتدى؟
لو اعطوكي الحق في طرد ثلاثة اعضاء من تختارين؟
albino

**و أخيرا طحتي في الحفرة اللي حفرتها ضيفتكم المميزة على كرسي الاعتراف اختكم .. عيون ليبيا 4

ههههههههه والله لا حفره لاشئ بس حبيت نمزح

انى عندى سوال شن رايك فى زوارى صح
اخ وصديق وعضو ممتازوباين عليه خفه الدم بس مش اكثر منى فى خفه الدم هههههههه انبصر والله مئه مئه
من هم احسن ثلاثة اعضاء في المنتدى؟
والله هالسوال حرج هلبه يمكن يزعلوامنى الغير بس انى اللى نعرفهم اهنى وهدرزت معهم طبعا غدورة السنفورة والحسن وانت هناك الكثير من الاعضاء يشرفنى التعرف عليهم لكن لم تحل فرصه وتعرفت عليهم ونتمنى ان اتعرف عليهم بيش انضمهم الى قايمه اصدقائ والله شرف كبير ليا
لو اعطوكي الحق في طرد ثلاثة اعضاء من تختارين؟
طبعا لا احد لانه لا املك صلاحيه ولاداعى لان اطرد احد اولا لست مديره طبعا مشرفه بس لا املك صلاحيه وبعدين لو حتى املك لا اطرد احدا لانه عندما اقرربفتح منتدى معنها للجميع فلدلك لا احب اظلم احدا@
واتمناء ان تكون اجابتى وصلت لحضرتك ونكون ما احرجت حد فى السوال التانى
وتقبل تحياتى
rendeer

تسلمي اختي عيون ليبيا على اجباتك
الراقية المهذبة

تسلم اخى حسن كله من دوقك
بس خيرهم طولوا مايبوش يسلوووو انى عيييت من التقعميز
تى وينكم يا اعضاء

اختي عيون ليبيا

يسعدني ان اتعرف على شخصيه مميزة ومرحة مثلك

واحببت ان اتوجه لك ببعض الاسئلة التي اتمنى ان تكون خفيفه على قلبك

اعطيني معاني لهذه الكلمات وماتأثيرها في حياتك

1- الحياة

2- الحب

3- الام

4- الزواج

5- السعادة

6- الطفولة

7- الطموح

8- الامل

9- الياس

10- المستقبل

امتمنى ان لا اكون قد اطلت عليكي

تحياتي لك وتقبلي مروري

1- الحياة
الحياة مراحل وكل من مر عليها فهو راحل والحياة تلات ماضى ومستقبل وحاضر
2- الحب
اجمل شئ فى الحياةوهو مرتبط بالحياة ارتباط شديد لانه لاللحياة بدون حب مش شرط حب حبيبي او زوج لا حب بل هو حب كل شئ جميل((الحب كل حياتى حاليا)).والحب صفه من صفت الرسول عليه السلام
3- الام
اعذرينى فاننى لم اشعر بالامومه لانه لم يسببق لى قول امى لانه ماما توفت وانا عمرى سنه> ولم اسمعها او لم اعيش هده المرحله لانه لم ارزق بطفل
4- الزواج
الاستقرار.اجمل شئ واحلى ايام عمرى بعيشها الان

5- السعادة
السعاده هى الفرح هى الامان هى الحنان هى شئ جميل نلمسه ونعيشه احلى تاتيرها فى حياتى كبير وخاصه يوم 5.11.2006 اول يوم نكون سعيده
6- الطفولة
براءه تاتيرها قوى عليا وخاصه لما نشوف اطفال قريب نهبل
7- الطموح
التحدى ليس له تاتير لانى مش طموحه القرايا وبطلت منها والشغل منشتغلش يمكن طموحى او هو من امنيتى انى نكون عيله تتكون انى وزوجى واتنين اطفال بنت ولد
8- الامل
الامل كاشراقه شمس كل يوم
وامالى فى الله

9- الياس
مرض يصيب انسان صاحب ايمان ضعيف احسن شئ انى منياسش ابدا لانه املى كبير
10- المستقبل

نافده نطل بيها على الحياة
تاتيره نتمنى فى المستقبل العاجل
يكون لى حياتى الخاصه متكونه من اربعه اشخاص انا وزوجى وطفلين وحياه سعيده
هدا مستقبلى
تقبلى
rendeer

اهلا وسهلا بيك فى كرسى الاعتراف اختى العزيز وبصراحه اخوتى كفو و وفو فى الاسئله انا حبيت نحييك فقط تحياتى لك

اسعدنى مرورك بس خيرك مسالتيش؟؟
مزال قاعده ولا كيف ؟؟؟
اعييت هههههههههههه انبصر اصلا القعده حلوة مع احلى اعضاء

اختي عيون ليبيا السلام عليكم

حبيت نوجهلك سؤلات فنية مش شخصية

اولا . من الفنان المفضل عندك في ليبيا

ثانيا . الفنان المفضل عندك في الساحة العربية

ثالثا . من الممثل الي تحبي تشوفي مسلسلاته على الساحة الليبية والساحة العربية

رابعا . فيلم شفتيه وعجبك لدرجة قاعده تتفكري فيه لنهار اليوم

انشالله مانكون كترت عليك

مع تحياتي اختي وتقبلي مرورى

اختي عيون ليبيا السلام عليكم
وعليكم السلام ورحمه الله وبركاته
حبيت نوجهلك سؤلات فنية مش شخصية

اولا . من الفنان المفضل عندك في ليبيا
فوزى المزداوى وعصام ومراد قدوره

ثانيا . الفنان المفضل عندك في الساحة العربية
فضل شاكر

ثالثا . من الممثل الي تحبي تشوفي مسلسلاته على الساحة الليبية والساحة العربية

الساحه الليبيه_حاتم الكور وخالد كافو_الساحه العربيه محمد سعد المشهور اللمبي
رابعا . فيلم شفتيه وعجبك لدرجة قاعده تتفكري فيه لنهار اليوم
كل افلام اللمبى

انشالله مانكون كترت عليك
بلعكس اسعدنى توجدك ومرورك تقبلى
rendeer

شكرا على اجاباتك وصراحتك اختي عيون ليبيا ويشرفني اني تعرفت على شخصية مميزة مثلك

مشكورة جدا اختي وحبيبتي عيون ليبيا على صراحتك

اسعدتينا جدا باستضافتك وقضينا معاك وقت حلو

ربي مايحرمنا منك ومن طلتك الحلوة علينا

ياصاحبت الدم الخفيف والطلة الحلوة

منورين شنو الاستجواب تم انشوف فى حد غيرى قعمز على الكرسى
والله كانت اتقعميزه ميه ميه
خيركم استعجلتووووووا

عيون ليبيبا الجميلة اهلا بيك

انشاء الله مستريحه كويس فى الكرسى

ياريت نعرف مستواك العلمى

وشنى اكثر المواقع الى تدخلى فيها فى النتوت

وشنى المنتديات الليبية الى انتى عضو فيها

واخيرا نتمنى لك السعادة فى حياتك

ويرزقك بالذريه الصالحه
تحياتى

عيون ليبيبا الجميلة اهلا بيك
وبيك اهلين ومرحبتين وسهلين
انشاء الله مستريحه كويس فى الكرسى
والله حمد لله بس اهو حتى انتى نشوف فيك حتى قعمزت هههههههه شنو شعووورك

ياريت نعرف مستواك العلمى
والله التانويه تخصص علوم حياه زراعه وسبب انى مكملتش لانى اتزوجت اول ما كملت التانويه

وشنى اكثر المواقع الى تدخلى فيها فى النتوت
ههههههه نتنوت حتى انت ادلع فيه زينى انى حاليا فى منتدى عيون ليبيا ومرات نطلع على المواقع الطبيه اكثر شئ
وطبعا واللياهو شئ طبيعى

وشنى المنتديات الليبية الى انتى عضو فيها
عيون ليبيا........المراءة الليبيه........وكنت فى الكساد بس انسيت عضويتى ..
وليبيانا بس سجلت ومعدش رجعت تانى

واخيرا نتمنى لك السعادة فى حياتك
منور يا كعك مدور سامحنى عليها نقول فيها ديمه هههههههههههه

ويرزقك بالذريه الصالحه
امين يارب
تحياتى
_ولك منى فايق الاحترام يا نصر________________

تحية طيبة للاخت عيون ليبياهذا اول مرور لي على كرسي الاعتراف
قرأت جميع اجوبتك
فلم اجد مايقال اويسأل
الا وفقك الله وهناك
وانا سعيد جدا بأسلوبك المتميز
الذي يدل على شخصيتك
من احترام وخفة دم
وانشاءالله ربي يملالك الحوش اعيال

ماشالله عليك ربي يوفقك

ني جاي نسلم بس الشباب كفو وفوا في الاسئلة

تحياتي............السامر

» ضيف كرسي الاعتراف التالي المصمم الموهوب والشخصية المميزة اخوكم ( killua )
» كرسي الاعتراف.. كرسي مليح .. رد بالك تخاف
» ضيف كرسي الاعتراف المشرف المميز ( لؤي مصراتي )
» ضيف كرسي الاعتراف الاول اختنا .. كريمة نفس ..
» ضيف كرسي الأعتراف التالي اختكم¨°o.O صبراتية وأفتخر O.o°¨